CASPIA (Center for Analysis of Strategic Policy and International Affairs) beynəlxalq və regional siyasət, geo-iqtisadiyyat, təhlükəsizlik, energetika, tranzit və Avrasiya məkanında transformasiya prosesləri üzrə strateji təhlisə ixtisaslaşmış müstəqil analitik mərkəzdir.

CASPIA-nın fəaliyyəti postsovet məkanı, Cənubi Qafqaz, Mərkəzi Asiya, Şərqi Avropa və onlara bitişik regionlarla bağlı əsas məsələlər üzrə obyektiv, balanslı və tətbiq yönümlü analitikanın formalaşdırılmasına yönəlib. Mərkəz beynəlxalq gündəmin yüksək dərəcədə siyasiləşdiyi və ekspert biliklərinin parçalandığı şəraitdə peşəkar və qərəzsiz təhlilə olan ehtiyacın ödənilməsini əsas məqsəd kimi müəyyən edir.

CASPIA-nın əsas fəaliyyət istiqamətlərinə məlumatların toplanması, qiymətləndirilməsi və interpretasiyası, strateji icmalların və analitik materialların hazırlanması, eləcə də dövlət və ictimai-siyasi strukturlar, ekspert icmaları, beynəlxalq təşkilatlar, kütləvi informasiya vasitələri və akademik mühit üçün praktiki tövsiyələrin işlənib hazırlanması daxildir. Mərkəz situativ şərhlərdən daha çox uzunmüddətli trendlərin, struktur risklərin və imkanların müəyyənləşdirilməsinə fokuslanır.

Analitik fəaliyyətlə yanaşı, CASPIA təhsil və tədqiqat proqramları həyata keçirir. Bunlara təcrübə proqramları, təlim kursları, ekspert seminarları, qapalı müzakirələr və beynəlxalq konfranslar daxildir. Mərkəz yeni nəsil analitiklərin formalaşmasını strateji investisiya kimi qiymətləndirir və gənc tədqiqatçıların real analitik proseslərə praktiki şəkildə cəlb olunması üçün şərait yaradır.

CASPIA beynəlxalq münasibətlər, dünya iqtisadiyyatı, tarix, etnoqrafiya və regionşünaslıq sahələrində tədqiqat aparan alimlər, doktorantlar, aspirantlar və tələbələrlə əməkdaşlığa açıqdır. Mərkəz akademik biliklə tətbiqi analitikanı və siyasi-ekspert mühitinin real ehtiyaclarını birləşdirən intellektual platforma kimi mövqelənir.